Өфөлә социаль бизнес, стационар булмаған сауҙа нөктәләре һәм пассажирҙарҙы йөрөтөү мәсьәләләрен тикшерҙеләр

IMPORT Сервисный

ӨФӨ, 2014 йыл, 23 сентябрь. /«Башинформ» мәғлүмәт агентлығы, Розалия Вәлиева/. Башҡортостан Республикаһында эшҡыуарҙарҙың хоҡуҡтарын яҡлау буйынса Вәкил ҡарамағындағы Йәмәғәт эксперт советы ултырышы 22 сентябрҙә «Башинформ» мәғлүмәт агентлығында уҙҙы.

- Көн тәртибендә, тәү сиратта, социаль эшҡыуарлыҡты үҫтереү мәсьәләләре, – тине БР эшҡыуарҙарҙың хоҡуҡтарын яҡлау буйынса Вәкил Рафаил Ғибәҙуллин. – Бизнес өсөн был яңы өлкә. Дәүләт һәм йәмғиәт эшҡыуарҙарҙың үҙҙәренең әүҙемлеген бында йүнәлтеүҙәре менән ҡыҙыҡһына: мәктәпкәсә балалар учреждениелары, спорт, художество мәктәптәре, экологик проекттар булдырырға һәм үҫтерергә мөмкин. Дәүләт кәрәгенсә һөҙөмтәле эшләмәгән урындарҙы социаль эшҡыуарлыҡ тулыландыра ала. Ул, мәҫәлән, хеҙмәттәр өлкәһе, туризм.

Фекер алышыуҙың тағы ла бер темаһы – стационар булмаған сауҙа объекттары һәм уларҙы стационарға күсереү менән бәйле проблемалар.

- Бында аҡрынлап күсергә кәрәк, – тип иҫәпләй Рафаил Ғибәҙуллин. – Эшҡыуарҙарҙың ҡайҙа һәм нисек эшләүен, бизнес алып барыу мөмкинлеген юғалтып ҡалмауҙарын алдан күреү мотлаҡ. Әлеге ваҡытта Башҡортостанда стационар булмаған объекттарҙы стационарға күсереү буйынса бер-бер артлы эш алып барыла. Шуның менән бергә, конструктив ҡарарҙар әлегә етешмәй.

- Ҡыҙғанысҡа ҡаршы, был дөйөм федераль масштабтағы проблема Өфө һәм Башҡортостандың башҡа ҡалалары өсөн дә көнүҙәк, – тип иҫәпләй БР эшҡыуарҙарҙың хоҡуҡтарын яҡлау буйынса Вәкилдең эшмәкәрлеген тәьмин итеү буйынса аппараттың баш консультанты Наталья Елизарова. – Бихисап стационар булмаған объекттарҙың хужалары ҡатмарлы хәлдә тороп ҡалды – урындағы хакимиәттәр уларҙы һүтергә ҡуша, сөнки улар ҡаланың тышҡы ҡиәфәтен боҙа. Стәрлетамаҡта, мәҫәлән, 400 самаһы бындай объект иҫәпләнә. Уларҙың ҡайһы берәүҙәре яҡшы ғына күренә, уларға ҡуртымға алыу тураһында килешеүҙәр төҙөлгән. Икенселәре инде – емерек, реклама иғландары менән йәбештереп сығылған. Әлбиттә, бындай киосктар ҡаланы биҙәмәйәсәк. Унан да бигерәк, уларҙың күптәре магазин эргәләрендә урынлашҡан һәм уларҙың унда булыуҙары урынһыҙ.

Наталья Елизарованың фекере буйынса, проблеманы хәл итеү ысулы – ул йорттарҙың беренсе ҡаттарында бүлмәләр алыу, уларҙы йәшәмәгән фондҡа күсереү һәм унда сауҙа объекттарын ойоштороу. Тағы ла бер вариант – билдәләнгән тәртиптә төҙөлөшкә ер участкаһын алыу һәм унда капитал төҙөлөш объектын һалыу.

Ултырышта шулай уҡ автомобиль транспорты менән пассажирҙарҙы йөрөтөүҙө ойоштороу мәсьәләһе тикшерелде.

Тулыраҡ «Ижтимағи электрон гәзит» мәҡәләһендә уҡый алаһығыҙ.

#бизнес #эшҡыуарҙар #бизнес-омбудсмен #өфө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.