Башҡортостанда МХО-ла ҡатнашыусылар муниципаль хеҙмәткә йәлеп ителә
Башҡортостан Дәүләт Йыйылышы депутаттары законға үҙгәрештәр әҙерләй, уға ярашлы махсус операция яугирҙәре араһынан дәғүәселәргә талаптар йомшартыла.
Башҡортостанда МХО-ла ҡатнашыусылар муниципаль хеҙмәткә йәлеп ителә башлай. Дәүләт Йыйылышы депутаттары республика ҡануниәтенә тейешле үҙгәрештәр индерергә әҙерләнә.
Башҡортостан парламенты спикеры Константин Толкачев билдәләүенсә, закон проекты муниципаль хеҙмәттең айырым вазифалары өсөн белемгә, һөнәри тәжрибәгә һәм эш стажына ҡарата ҡуйылған талаптарҙы йомшарта.
«Законды ҡабул итеү урындағы үҙидара органдарының кадрҙар составын көсәйтергә мөмкинлек бирәсәк, сөнки муниципаль хеҙмәткә инеү өсөн конкурста ҡатнашыусылар даирәһен киңәйтәсәк, — тине Константин Толкачев. — Махсус хәрби операцияла ҡатнашыусылар ҙа көсөн һынап ҡарарға мөмкин. Улар муниципаль хеҙмәткәр өсөн мөһим сифаттарҙы ғәмәлдә күрһәтте: яуаплылыҡ, дисциплина, командала эшләү, ҡуйылған маҡсаттарға өлгәшеү һәләте. Бындай кадрҙар муниципалитеттар эшенә яңы һулыш өрөргә һәм дәүләт менән йәмғиәт араһындағы бәйләнеште нығытырға һәләтле. Уларҙың тәжрибәһе республикаға кәрәк».
Бынан алдараҡ «Башинформ» Башҡортостан Дәүләт Йыйылышы депутаттарының МХО-ла ҡатнашыусыларҙың ғаиләләренә торлаҡ алырға ярҙам өсөн закон әҙерләүе тураһында хәбәр иткәйне.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.