Белоретта башҡорт биатлоны буйынса IV республика турниры үткәрелә
17 ғинуарҙа Белорет районының Манышты ауылында милли һәм этник спорт төрҙәре буйынса IV Республика турниры ойошторола. Быйыл ярыш башҡорт биатлоны форматында уҙғарыла.
Унда тәжрибәле һәм һәүәҫкәр спортсылар ҡатнашырға мөмкин. Ойоштороусылар республиканың барлыҡ райондарынан ҡатнашыусыларҙы көтә.
Турнир программаһында:
- һунар саңғыһында 1800 метрлыҡ дистанция,
- өс ут позицияһы: уҡтан һәм пневматик мылтыҡтан атыу, һөңгө сойорғотоу.
– Бындай дисциплиналар Башҡортостан халыҡтарының күп быуатлыҡ традицияларын сағылдыра, унда һунарсылыҡ, мәргәнлек һәм сыҙамлыҡ һәр ваҡыт лайыҡлы баһаланды, – тип һөйләне «Башинформ»ға ойоштороусылар. – Турнир спорт байрамы ғына түгел, ә Башҡортостандың бай мәҙәни мираҫы менән танышыу, район-ара бәйләнештәрҙе нығытыу һәм тыуған төйәгебеҙҙең күркәм тәбиғәт ҡосағында саф һауала йөрөү мөмкинлеге лә.
Турнирҙы асыу тантанаһы һәм ярыштар сәғәт 11-ҙә башлана.
Ғаризаны 14 ғинуарға тиклем 8-927-352-67-47 телефоны буйынса бирергә мөмкин.
6+
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.