Нефтекаманан пауэрлифтер Дмитрий Селянин Екатеринбургта Бөтә Рәсәй турнирында еңеүсе тип танылды. Ул 252,5 килограмлыҡ штанганы күтәреп, 74 килограмға тиклемге ауырлыҡ категорияһында юниорҙар араһында Рәсәй рекорды ҡуйҙы, тип хәбәр иттеләр республиканың Спорт министрлығынан.
Республика командаһының тағы ике көмөш миҙалы бар. Был миҙалдарҙы 93 килограмм ауырлыҡ категорияһында Данис Папикян һәм 120 килограмм ауырлыҡ категорияһында Иван Корепанов яуланы. Башҡортостан пауэрлифтерҙары штанга күтәреү буйынса команда иҫәбендә икенсе урынды алды.