Өфөнән 64 йәшлек ир-уҙаман – хәрби сәнғәт буйынса 50-се тапҡыр донъя чемпионы

Өфөнән Вил Ғабдуллин ветерандар араһында хәрби сәнғәт буйынса 50-се тапҡыр донъя чемпионы булды. Был хаҡта спортсы «Башинформ» хәбәрсеһенә үҙе хәбәр итте.

4 декабрҙән 8-нә тиклем Рәсәйҙең йыйылма командаһы Мысырҙа алыш сәнғәте буйынса донъя чемпионатында сығыш яһаны. Команда 24 алтын миҙал яуланы. Еңеүселәр араһында – Дағстан, Һарытау һәм Өфө спортсылары.

64 йәшлек яҡташыбыҙ, Рәсәйҙең Рекордтар китабы рекордсмены Вил Ғабдуллин ҡорал менән биш бүлектә сығыш яһаны һәм биш алтын миҙал алды. Был ҡаҙаныш уға алыш сәнғәте буйынса 50-се тапҡыр донъя чемпионы булырға мөмкинлек бирҙе.

Белешмә:

Вил Ғабдуллин – кикбоксинг буйынса Рәсәйҙең атҡаҙанған спорт мастеры, алты тапҡыр Рәсәй чемпионы, дүрт тапҡыр Рәсәй кубогы еңеүсеһе, ете тапҡыр халыҡ-ара ярыштар чемпионы, ике тапҡыр Европа чемпионы. Шулай уҡ спортсы – ГТО илсеһе.

https://www.bashinform.ru/news/sport/2025-12-11/64-letniy-ufimets-stal-50-kratnym-chempionom-mira-po-boevym-iskusstvam-4502552