Радий Хәбиров Өфөнөң Көрәш һарайында сараларҙы йышыраҡ үткәрергә саҡырҙы

Башҡортостан Башлығы Радий Хәбиров хөкүмәттең оператив кәңәшмәһендә Өфөнөң Көрәш һарайында сараларҙы йышыраҡ үткәрергә саҡырҙы. Уның һүҙҙәренсә, был объект килгән кешеләрҙе тәүлек әйләнәһенә ҡабул итергә һәләтле.

«Беҙ шуға иғтибар иттек: Көрәш һарайында ойошторолған саралар һәр ваҡыт күләмле булыуы менән айырылып тора. Унда бик уңайлы, сараларҙы күрһәтеү йәһәтенән дә. Быйылдан башлап «Динамо-Урал» волейбол командаһы уйындарын үткәрәбеҙ. Ошондай ҙур объект тәүлегенә 24 сәғәт эшләргә тейеш», — тигән бурыс ҡуйҙы Радий Хәбиров республиканың спорт министры Руслан Хәбибовҡа.

Хәтерегеҙгә төшөрәбеҙ, 6 декабрҙә Өфөнөң Көрәш һарайында ҡатын-ҡыҙҙар араһында бокс буйынса Рәсәй чемпионаты тамамланды.

https://www.bashinform.ru/news/sport/2025-12-08/radiy-habirov-prizval-chasche-provodit-meropriyatiya-v-ufimskom-dvortse-borby-4497815