Башҡортостан һәм Өфө яңылыҡтары
77.8
+0.19
90.75
+0.44
62.51
+0.52
-9 °C
Болотло
Бөтә яңылыҡтар
Спорт
26 Декабрь 2024, 12:44

Республиканың тау саңғысылары Бөтә Рәсәй спартакиадаһында миҙалдар яуланы

Башҡортостандың Спорт министрлығы
Фото: Башҡортостандың Спорт министрлығы

Башҡортостан спортсылары тау саңғыһы спорты буйынса Бөтә Рәсәй инвалидтар спартакиадаһының беренсе этабында 9 миҙал яуланы. Республиканың Спорт министрлығынан хәбәр итеүҙәренсә, Башҡортостандан аҡыл үҫеше яғынан артта ҡалған туғыҙ спортсы ҡатнашты.

Карина Закирова һәм Александр Лебединцев слалом-гигант дисциплинаһында еңеүсе булды. Шулай уҡ улар супер-гигантта һәм слаломда көмөш миҙалдар алды. Ошо уҡ дисциплиналарҙа Ләйлә Аҡсурина бер көмөш һәм бер бронза миҙал алды, Риза Йыһаншин ике бронза миҙал яуланы.

Ярыштарҙа илдең 7 төбәгенән 46 спортсы ҡатнашты, тип билдәләнеләр Спорт министрлығында.

Бынан алдараҡ «Башинформ» «Салауат Юлаев»тың овертаймда Хабаровскиҙың «Амур»ын еңеүе хаҡында хәбәр иткәйне.

https://www.bashinform.ru/news/sport/2024-12-26/gornolyzhniki-bashkirii-vyigrali-medali-vserossiyskoy-spartakiady-4067704

Автор: Инсаф Хужабиргәнов
Читайте нас