Өфөлә яңы ишкәкле слалом комплексында «Ҡурай төбәге» ярыштары башланды
Өфөнөң Калинин районы хакимиәте башлығы Ғәзизйән Әхмәтйәнов үҙенең телеграм-каналында Инорста урынлашҡан яңы ишкәкле слалом комплексында тәүге рәсми старттар хаҡында хәбәр итте.
«Ир-егеттәр һәм ҡатын-ҡыҙҙар араһында «Ҡурай төбәге» халыҡ-ара ярыштарының квалификациялы йөҙөүҙәре башланды. Ә көндөң икенсе яртыһында спортсылар «Экстрим-слалом» дисциплинаһында үҙ көсөн һынай. Ике көнлөк ярыштар «Рәсәй — спорт державаһы» форумы барышында ойошторолдо», — тип яҙа Ғәзизйән Әхмәтйәнов.
«Башинформ» хәбәр иткәнсә, 17-19 октябрҙә «Рәсәй — спорт державаһы» форумы үткәрелә. Унда донъяның 100 иленән 5 мең делегаттың ҡатнашыуы көтөлә. Өс көн дауамында баш ҡаланың 8 майҙансығында 40-тан ашыу сара ойошторола. Улар араһында: спорт ярыштары, мәҙәни программа, эшлекле сессиялар, Рәсәй Федерацияһы Президенты ҡарамағындағы физик культураны һәм спортты үҫтереү буйынса совет ултырышы.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.