Башҡортостандың йыйылма командаһы фехтование буйынса Рәсәй чемпионатында көмөш призер булды. Башҡортостан спортсылары командаһында — Тимур Арыҫланов, Егор Баранников, Владислав Журавлев һәм Тимур Сафин.
Беренсе урынды Һамар өлкәһе рапирасылары яуланы, пьедесталдың өсөнсө баҫҡысын Санкт-Петербург командаһы биләй.
Хәтерегеҙгә төшөрәбеҙ, турнир Пермь крайында 9 апрелгә тиклем бара. Унда 26 төбәктән 500-ҙән ашыу спортсы ҡатнаша.