Башҡортостан боксёры Иван Тихонов «Адриатика ынйыһы» донъя кубогында Рәсәй йыйылмаһы составында сығыш яһаны һәм 63,5 килограмға тиклемге ауырлыҡ категорияһында бронза миҙал яуланы. Был хаҡта республиканың Спорт министрлығынан хәбәр иттеләр.
Көслө боксёрҙар турниры Черногорияла үтте. Рәсәй йыйылмаһы «Адриатика ынйыһы»нда бөтәһе 14 алтын, туғыҙ көмөш һәм алты бронза миҙалға лайыҡ булды.
Иван Тихонов Рәсәйҙең атҡаҙанған тренеры Юрий Шокуров етәкселегендә шөғөлләнә.