Радий Хәбиров VI Бөтә донъя башҡорттары ҡоролтайы делегаттарына дәүләт наградалары тапшырҙы

VI Бөтә донъя башҡорттары ҡоролтайының пленар ултырышында Башҡортостан Башлығы Радий Хәбиров делегаттарға дәүләт наградалары тапшырҙы.

Радий Хәбиров Рәсәй Федерацияһы Президенты ҡарамағындағы БР-ҙың Тулы хоҡуҡлы вәкиллегенең инвестиция эшмәкәрлеге, халыҡ-ара һәм төбәк-ара хеҙмәттәшлек бүлеге администраторы Ришат Халиҡовҡа «Башҡортостан Республикаһы алдындағы хеҙмәттәре өсөн» орденын тапшырҙы.

Салауат Юлаев ордены менән Бөтә донъя башҡорттары ҡоролтайы президиумы рәйесе, РФ Дәүләт Думаһы депутаты Эльвира Айытҡолова, Ханты-Мансы автономиялы округы — Югра башҡорттары ҡоролтайы етәксеһе Рәүҙәт Ҡолманбәтов, Х. Әхмәтов исемендәге Башҡорт дәүләт филармонияһы артист-солист-инструменталисы Миндиғәфүр Зәйнетдинов бүләкләнде.

«Хеҙмәт ҡаһарманлығы өсөн» миҙалы менән Яңауыл районы башҡорттары ҡоролтайы башҡарма комитеты ағзаһы Рафаил Яхин наградаланды.

«Башҡортостан Республикаһының атҡаҙанған мәҙәниәт хеҙмәткәре» исеменә Силәбе ҡалаһының 6-сы мәктәбе өҫтәмә белем биреү уҡытыусыһы Рабиға Бикбулатова, Бөтә донъя башҡорттары ҡоролтайының мәҙәниәт һәм медиа комиссияһы эксперты Арыҫлан Бикбулатов, Ырымбур өлкәһе Александровка районының Иҫәнгилде ауыл клубы мөдире Рәйсә Сарбаева лайыҡ булды.

Иҫегеҙгә төшөрәбеҙ, Өфөлә башҡорттарҙың VI Бөтә башҡорттары донъя ҡоролтайы бара. Тарихи форумда бөтә донъянан 500-ҙән ашыу делегат ҡатнаша.

https://bash.bashinform.ru/news/social/2024-12-13/vi-b-t-don-ya-bash-orttary-oroltayy-delegaty-ber-mlek-m-s-l-en-k-t-r-e-4054636