Башҡортостан пенсионерҙары тәүге тапҡыр Үзбәкстанға сәйәхәткә китте
Бөгөн Өфө аэропортында «Башҡортостанда оҙон ғүмерлелек. Туризм» республика проекты сиктәрендә бер төркөм туристар Үзбәкстанға юлланды.
Республика Башлығы Радий Хәбиров үҙенең телеграм-каналында хәбәр итеүенсә, был – 50 кешенән торған тәүге төркөм. Йыл аҙағына тиклем – 29 ноябрҙә һәм 13 декабрҙә тағы ике төркөм осорға тейеш.
Дүрт көн һәм өс төн дауамында яҡташтарыбыҙ экскурсоводтар менән Үҙәк Азия иленең иҫтәлекле урындарына бара һәм үзбәк халҡының милли аш-һыуы менән таныша.
«Үзбәкстан менән беҙҙең республиканы йылы һәм эшлекле мөнәсәбәттәр бәйләй, был ил – халыҡ-ара аренала төп партнерҙарыбыҙҙың береһе. Хәҙер социаль туризм өлкәһендә лә хеҙмәттәшлек итә башлайбыҙ», – тип билдәләне Радий Хәбиров.
Программа хаҡында тулыраҡ мәғлүмәтте бында белергә мөмкин.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.