Өфөлә самокатсыларға зыяраттарҙа һәм сәнәғәт зоналарында йөрөү тыйылды

Өфөлә ике кикшеринг компанияһының 3,5 мең электр самокаты иҫәпләнә. Был хаҡта 3 октябрҙә Башҡортостан Дәүләт Йыйылышында квадроциклдарҙы, питбайктарҙы һәм шәхси хәрәкәт итеү сараларын файҙаланғанда хәүефһеҙлекте тәьмин итеү темаһына арналған түңәрәк өҫтәлдә Өфө хакимиәтенең транспорт һәм элемтә идаралығы етәксеһе Илдар Сәлихов белдерҙе.

«Граждандарҙың ғүмерен һәм һаулығын хәүеф аҫтына ҡуймаҫ өсөн самокатта йөрөү тыйылған биләмәләр билдәләнде. Улар — сәнәғәт зоналары, зыяраттар, парктар, скверҙар, йәмәғәт биләмәләре, балалар майҙансыҡтары. Яҡутов исемендәге паркты прокуратура менән берлектә самокат өсөн яптыҡ, махсус билдәләр ҡуйылды», —  тип хәбәр итте Илдар Сәлихов.

Шулай уҡ ҡалала тиҙлекте сикләү индерелде, тип өҫтәне ул. Юл ситендә урынлашҡан 32-гә яҡын белем биреү учреждениеһы янында тиҙлекте сәғәтенә 15 километрҙан арттырмаҫҡа кәрәк. Был сикләү уҡыу процесы осоронда ғәмәлдә ҡала. 127 урам киҫелешендә — сәғәтенә 5 саҡрымдан, тағы 22 урам киҫелешендә 10-15 саҡрымдан арттырырға ярамай.

https://www.bashinform.ru/news/social/2024-10-03/v-ufe-elektrosamokatchikam-zapretili-ezdit-na-kladbischah-i-v-promzonah-3954560