Яҡташыбыҙ «Батырлыҡ өсөн» миҙалы менән бүләкләнде

Яҡташ яугир, Ауырғазы районынан ир-уҙаман «Батырлыҡ өсөн» миҙалы менән бүләкләнде. Муниципалитет башлығы Арыҫлан Шәһәретдинов «Хаттаб» позывнойлы яугирҙең фронтта күрһәткән ҡыйыулығы һәм ҡаһарманлығы өсөн юғары наградаға лайыҡ булыуын хәбәр итте.

«Геройыбыҙҙы ихлас ҡотлайбыҙ һәм хәрби бурыстарҙы уңышлы үтәүен, тыуған яғына имен-һау әйләнеп ҡайтыуын теләйбеҙ», — тип яҙҙы Арыҫлан Шәһәретдинов үҙенең телеграм-каналында.

Башҡортостанда йәшәүселәр, Оборона министрлығы менән килешеү төҙөп, махсус хәрби операцияла ҡатнашҡан яҡташтарына ҡушылырға мөмкин.

Хәтерегеҙгә төшөрәбеҙ, Рәсәй президенты 1 августан 31 декабргә тиклем хәрби операцияла ҡатнашыу өсөн контракт төҙөгән яугирҙәргә 400 мең һум күләмендә бер тапҡыр бирелә торған түләү тураһындағы указға ҡул ҡуйҙы. Шулай уҡ республикала Башҡортостан Башлығы Радий Хәбировтың ҡушыуы буйынса контрактсыларға бер тапҡыр түләнгән аҡсаның күләме арттырылды. Шулай итеп, Хәҙер Башҡортостандың хәрби хеҙмәткәрҙәренә бер тапҡыр 1 миллион 205 мең һум түләнә.

Ҡыҙыҡһындырған һорауҙарҙы Ситуация үҙәгенең 122 йәки (347) 218-19-19, һайлап алыу пунктының (347) 248-29-31 номерына шылтыратып бирергә мөмкин.

https://www.bashinform.ru/news/svo/2024-09-23/uchastnik-svo-iz-bashkirii-nagrazhdyon-medalyu-za-otvagu-3940923