Башҡортостан Башлығын һайлауҙа 92 йәшлек Кинйәғол Сәлимгәрәев та тауыш бирҙе

Башҡортостанда республика Башлығын һайлауҙа уҙған быуаттың 60-сы йылдарында уҡ бушап ҡалған Урман-Рәүәт (Собханғол) ауылының һуңғы кешеһе Кинйәғол Сәлимгәрәев тауыш бирҙе. Был хаҡта социаль селтәрҙә Белорет районы етәксеһе Андрей Иванюта хәбәр итә.

Һайлаусыға 92 йәш, Инйәрҙә йәшәгән Хәлим исемле туғаны уға аҙыҡ-түлек килтереп китә, хужалыҡ эштәрендә ярҙамлаша.

«Оло йәштә булһа ла, Кинйәғол олатай һунарсылыҡ, умартасылыҡ менән шөғөлләнә, йылҡы тота. Йәшелсә үҫтерә, яңыраҡ картуф ҡаҙып алған. Кинйәғол Ғимран улы үҙ ғүмерендә бер тапҡыр ҙа медицина ярҙамы һорап мөрәжәғәт итмәгән, дарыу эсмәй, үләндәр менән дауалана. Былтыр туғандары уға яңы йорт һалырға ярҙам иткән, өй мейем менән йылытыла, ут — генераторҙан. Туристар, һунарсылар Кинйәғол Сәлимгәрәевта туҡтап китә, ижади төркөмдәр килә, документаль фильмдар һәм сюжеттар төшөрә», — тип яҙа Иванюта.

https://www.bashinform.ru/news/politics/2024-09-08/na-vyborah-glavy-bashkirii-progolosoval-zhitel-derevni-prizraka-3920461