Өфө моторҙар эшләү берекмәһендә Өфөнөң 450 йыллығы уңайынан яңы «ваҡыт капсулаһы» әҙерләнде

Өфөнөң 450 йыллығы айҡанлы Өфө моторҙар эшләү берекмәһендә яңы «ваҡыт капсулаһы» әҙерләнде. Калинин районы хакимиәте башлығы Ғәзизйән Әхмәтйәнов социаль селтәрҙә хәбәр итеүенсә, был — КБ-4, баш механик идаралығы, ИЦП, ремонт цехы эшселәренең, шулай уҡ Авиация технологиялары технопаркы белгестәренең уртаҡ хеҙмәте.

Капсуланың бейеклеге — 130 сантиметр, диаметры — 60 см, ауырлығы иһә 130 килограмм. Ул тутыҡмай торған ҡоростан яһалған.

Хәтерегеҙгә төшөрәбеҙ, 31 августа Өфөнөң 450 йыллыҡ юбилейы хөрмәтенә киләсәк быуындарға «Ваҡыт капсулаһы»н һалыу тантанаһы була. Ә уның өҫкө яғына бәләкәй күсермәһе ҡуйыла. Капсуланы 50 йылдан һуң, баш ҡалабыҙҙың 500 йылллығында асырға тейештәр.

Тантана Ағиҙел йылғаһы буйында «Өфө — хеҙмәт ҡаһарманлығы ҡалаһы» стелаһы янында көндөҙгө сәғәт 12-лә башлана.

6+

https://www.bashinform.ru/news/social/2024-08-30/novuyu-kapsulu-vremeni-v-chest-450-letiya-ufy-izgotovili-v-umpo-3904442