Өфөнән Курск өлкәһенә һарымһаҡ һәм дарыуҙар оҙатылды

Халыҡ фронты тарафынан әҙерләнгән гуманитар йөктөң тағы бер партияһы Өфөнән Курск өлкәһенә юлланды. Украина Ҡораллы Көстәре һөжүменән зыян күргәндәр өсөн дарыуҙар, аҙыҡ-түлек, түшәк кәрәк-яраҡтары, гигиена саралары һәм мал аҙығы йыйылған.

Был инде Курск халҡына ебәрелгән икенсе гуманитар ярҙамы. Дөйөм алғанда, Курск өлкәһе өсөн Дөйөм Рәсәй халыҡ фронтының төбәк бүлексәһе биш тоннанан ашыу гуманитар ярҙам йыйған.

«Эшҡыуар Динар Әбдрәшитов 50 килограмм самаһы һарымһаҡ ебәрә. Һалҡын көндәр алдынан тәбиғи антибиотик – миҙгел сирҙәрен иҫкәртеү өсөн иң яҡшы сара. Елена Круглова кешегә генә түгел, хайуандарға ла ярҙам кәрәклеген билдәләне. Шуға күрә ул эттәр өсөн аҙыҡ һәм түшәк кәрәк-яраҡтары ебәргән. Табиптар профсоюзы һәм Башҡортостан йәмәғәтселеге ярҙамынан тыш, гуманитар ярҙамды йыйыу мөмкин булмаҫ ине», — тиелә «Башҡортостандың халыҡ фронты» телеграм-каналында.

Гуманитар ярҙамды Өфөлә Киров урамы, 1-се йорт адресы буйынса 138-се кабинетҡа тапшырырға мөмкин.

Автор: Эдуард Ҡусҡарбәков

https://www.bashinform.ru/news/svo/2024-08-16/iz-ufy-v-kurskuyu-oblast-otpravili-chesnok-i-medikamenty-3889219