Роспотребнадзор идаралығында лагерға юллама өсөн аҡсаны ҡайтарыу хаҡында һөйләнеләр

Башҡортостан Роспотребнадзоры лагерҙа файҙаланылмаған ял көндәре өсөн аҡсаны кире ҡайтарыу тәртибен аңлатты. Бындай хоҡуҡ Ҡулланыусылар хоҡуҡтарын яҡлау тураһындағы закондың 32-се статьяһы нигеҙендә бирелә.

Килешеүҙе өҙөү өсөн лагерь директорына яҙма рәүештә мөрәжәғәт итергә кәрәк. Ғариза ике экземплярҙа төҙөлә: береһе лагерь вәкиленә, ә икенсеһе беренсе экземплярҙы ҡабул итеү тураһындағы иҫкәрмә менән үҙегеҙгә ҡала.

Учреждение директоры аҡсаны кире ҡайтарыу мәсьәләһен хәл итмәһә, суд аша дәғүә белдерергә мөмкин.

Бындай осраҡтар өсөн дәүләт пошлинаһы юҡ. Еңһәгеҙ, ҡулланыусылар хоҡуҡтарын яҡлау тураһындағы закон буйынса хеҙмәт хаҡынан тыш өҫтәмә түләүҙәр ала алаһығыҙ: штрафтар һәм әхлаҡи зыян өсөн компенсация.

Бөтә һорауҙар буйынса күҙәтеү ведомствоһының «ҡыҙыу элемтәһе»нә шылтыратырға мөмкин: 8-800-775-01-70.

Быға тиклем «Башинформ» агентлығы шаурманы һайлау буйынса кәңәштәрҙе баҫтырып сығарғайны.

https://www.bashinform.ru/news/social/2024-07-29/v-rospotrebnadzore-bashkirii-rasskazali-kak-vernut-dengi-za-putevku-v-lager-3865568

Автор: Ләйсән Закирова