Өфө мэры Ратмир Мәүлиев 24 июлдә социаль селтәрҙәге сәхифәһендә бөгөн сәғәт 4-тә Шаҡша күперенең бер яғында хәрәкәтте асыуҙары хаҡында хәбәр итте.
«Планлаштырылған эштәрҙе бер аҙ алдараҡ тамамланыҡ. Халыҡҡа аңлағаны һәм түҙемле булғаны өсөн рәхмәт!» — тип билдәләне ҡала башлығы.
«Башинформ» хәбәр иткәнсә, тәүҙә Шаҡша күперендә тиҙлек сәғәтенә 20 километрға тиклем сикләнә, сөнки был технологик ихтыяж. Тиҙлек режимы боҙоуҙы күҙәтеү камераһы теркәй.