Роспотребнадзорҙың Башҡортостан буйынса идаралығының тышҡы коммуникациялар бүлеге етәксеһе Регина Аҡмалова Республика менән идара итеү үҙәгенән «Сәләм» тапшырыуы эфирында республика халҡына пляжда ял итеү өсөн кәңәштәр бирҙе.
Махсус йыһазландырылған һәм рөхсәт ителгән урындарҙа ғына һыу инергә кәрәк, өҫтәүенә эскән килеш һыуға төшөргә һәм һалҡын һыуҙа оҙаҡ ятырға ярамай. Ярҙан алыҫ йөҙөп китергә кәңәш ителмәй.
«Балаларҙан күҙ яҙҙырмағыҙ, таныш булмаған урында суммағыҙ, сөнки унда баш менән һуғылып, аңды юғалтырға һәм һәләк булырға мөмкин», — тине эксперт.
Әйткәндәй, ошо көндәрҙә Башҡортостанда 141 рәсми пляж асылыуы билдәле булды.