Башҡортостан һәм Өфө яңылыҡтары
87.37
-0.59
94.08
-0.18
85.65
-0.36
11+ °C
Болотло
Бөтә яңылыҡтар
Йәмғиәт
6 Июнь , 12:09

Республика халҡы өсөн 141 рәсми пляж асылды

Ксения Калинина
Фото:Ксения Калинина

Башҡортостанда йәшәүселәр өсөн 141 рәсми пляж асылды, тағы ла ошондай 10 һыу инеү урынын әҙерләү эштәре бара. Был хаҡта 6 июндә «Рәсәй» медиаүҙәгендә журналистар менән осрашыуҙа Башҡортостан буйынса Ғәҙәттән тыш хәлдәр министрлығы начальнигы Марат Латипов хәбәр итте.

Уның һүҙҙәренсә, рәсми пляждар асыуға йәмғеһе 155 заявка ҡабул ителгән, әле уларҙың бер өлөшө ҡарауҙа.

«Йылға-күлдәрҙә хәүефһеҙ ял итеүҙең төп шарты — ҡотҡарыусылар дежур иткән, ҡотҡарыу саралары булған, төбө таҙартылған, көслө ағым һәм һыу аҫтында соҡорҙар, ылымыҡтар булмаған урындарҙа ғына һыу инеү, —  тип билдәләне ведомство етәксеһе һәм статистика мәғлүмәттәрен килтерҙе. — Былтыр 11 бала батып үлгән. Быйыл һыу объекттарындағы фажиғә тураһында 27 хәбәр килгән, 21 кешенең ғүмере өҙөлгән, улар араһында өс бала бар. 1 июндә башланған һыу инеү миҙгелендә әлегә һәләк булыусылар  юҡ, артабан да шулай булһын».

Бынан алдараҡ «Башинформ» Өфө йылғаларында һыу патруле эшләүе тураһында хәбәр иткәйне.

https://www.bashinform.ru/news/social/2024-06-06/dlya-zhiteley-bashkirii-otkryli-141-ofitsialnyy-plyazh-3800151

Читайте нас: