Башҡортостан һәм Өфө яңылыҡтары
88.02
0
96.04
0
82.49
-0.14
21+ °C
Болотло
Бөтә яңылыҡтар
Йәмғиәт
28 Май , 17:11

Туймазы районында Нәсимә Субаева бер быуатлыҡ юбилейын билдәләне

«Туймазы хәбәрҙәре» гәзите
Фото:«Туймазы хәбәрҙәре» гәзите

Туймазы районынан Нәсимә Субаева бер быуатлыҡ юбилейын билдәләгән. Йөҙйәшәр инәй тыуған көнөн яҡындары менән бергә үткәргән.

Бала сағында Нәсимә Фәтхетдин ҡыҙы уҡытыусы булырға хыялланған. Һуғыш уның бар уй-хыялдарын селпәрәмә килтергән. Мәктәпте тамамлау тураһында аттестатты ул 1941 йылдың 21 июнендә, фашистик Германия һөжүм итерҙән бер көн алдан алған.

«Мин һәр саҡ активист булдым, эштән ҡурҡманым. Тәүҙә мине комсорг итеп тәғәйенләнеләр. Ә 1942 йылдың 1 ғинуарында - Саҡмағош һәм Бүздәк райондары буйынса махсус элемтә фельдъегеры. Фельдъегер - мөһим дәүләт документтарын илтеп биреү менән шөғөлләнгән курьерҙар. Миңә обмундирование һәм пистолет бирҙеләр, үҙ-үҙеңде яҡлау ҡағиҙәләренә өйрәттеләр. Шул ваҡыттан алып мин көн дә, ялһыҙ һәм байрамһыҙ, йөк поездарына махсус пакеттар ташыным. Поезды 10-15 сәғәт көткән саҡтар ҙа булды. Сөнки тәү сиратта яралы һалдаттарҙы фронттан алып ҡайтып килгән пассажирҙар составына йәшел ут бирәләр ине», - тип хәтерләй һуғыш йылдарын йөҙйәшәр инәй.

Һуғыштан һуң Нәсимә Фәтхетдин ҡыҙы Союзпечатта эшләй. Туймазынан Әхтәм Тахфетдин улы менән ғаилә ҡороп, ике ул тәрбиәләп үҫтергән, тип яҙа «Туймазы хәбәрҙәре».

https://www.bashinform.ru/news/social/2024-05-28/zhitelnitsa-bashkirii-nasima-subaeva-otmetila-vekovoy-yubiley-3788955

Автор:Ләйсән Закирова
Читайте нас: