Донбасс малайына — Башҡортостандың реабилитация үҙәгенә юллама

Мәскәүҙә «Рәсәй» күргәҙмә-форумында Башҡортостандың реабилитация үҙәктәренең береһенә юллама уйнатылды. Был хаҡта республика Ғаилә, хеҙмәт һәм халыҡты социаль яҡлау министрлығының социаль селтәрҙәрендә хәбәр ителә.

Республика Хеҙмәт министрлығының эшенең беренсе көнөндә — 1 мартта уҡ күргәҙмә-форумда ошо уйын тураһында иғлан ителгәйне.

Викторинаның башлыса Ғаилә кодексына, ғөмүмән, ғаиләгә ҡағылышлы һорауҙарына яуап биреп, юлламаны Мәскәүҙән Татьяна исемле ханым яуланы. Ул Донбаста йәшәгән һеңлеһе, дөрөҫөрәге, уның улы өсөн тырышҡан, сөнки малайҙың һаулыҡ мөмкинлектәре сикле.

Күмертауҙың сәләмәтлек мөмкинлектәре сикләнгән балалар һәм үҫмерҙәр өсөн реабилитация үҙәге асыҡ даталы юллама бүләк иткән. Илебеҙҙең яңы төбәгендә йәшәгән малайҙы бында йыл аҙағына тиклем көтөп ҡалалар, тип белдерҙеләр ведомствоның матбуғат хеҙмәтендә.

Бынан алдараҡ «Башинформ» Өфөлә өсөн «Ил өсөн көслө идеялар» икенсе төбәк форумы хаҡында хәбәр иткәйне.

https://www.bashinform.ru/news/social/2024-03-12/malchiku-iz-donbassa-dostalas-putevka-v-reabilitatsionnyy-tsentr-bashkirii-3677374