Апрелдә республикала «Управдом» форумы үткәрелә
Башҡортостанда «Управдом» форумы 2024 йылдың апрелендә ойошторола. Был хаҡта Республика менән идара итеү үҙәгенән Башҡортостан юлдаш телеканалының «Сәләм» тапшырыуы тура эфирында хәбәр иттеләр.
«Йыл да үткәрелгән форумда торлаҡ-коммуналь хужалыҡ өлкәһендәге көнүҙәк мәсьәләләр ҡарала. Улар араһында — күп фатирлы йорттар менән идара итеү һәм торлаҡ фондын капиталь ремонтлау. Шулай уҡ консультация майҙансыҡтары ойошторола, унда министрлыҡ эксперттарынан тыш, торлаҡ һәм төҙөлөш күҙәтеүе, тарифтар буйынса дәүләт комитеты хеҙмәткәрҙәре, төбәк операторҙары, ресурстар менән тәьмин итеүсе ойошмалар һәм башҡалар ҡатнаша. Улар халыҡты борсоған проблемалар тураһында һөйләр», - тине Башҡортостандың Торлаҡ-коммуналь хужалыҡ министры урынбаҫары Вилорий Угаров.
Башҡортостан Башлығы Радий Хәбиров муниципалитеттарға «Управдом» форумына тейешенсә әҙерләнергә ҡушҡайны.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.