Радий Хәбиров 22 йәшлек махсус хәрби операция ветеранын үҙенең хоккей командаһына алды

Радий Хәбиров хоккей уйнау өсөн йәнә конькиға баҫты. Уның командаһы ҡапҡаһын 22 йәшлек Артур Ғәлиев һаҡлай. Башҡортостан Башлығы социаль селтәрҙә яҙылыусыларға ошо хаҡта хәбәр итте.

«Артур Ғәлиев — махсус хәрби операция ветераны. Уға 22 генә йәш. Һуғышта уң ҡулын юғалтҡан. Батырлыҡ һәм генерал Шайморатов ордендары кавалеры.

Шул уҡ ваҡытта ул бынамын тигән шәп егет. Иң мөһиме, ҡулын юғалтһа ла,  ул тулы ҡанлы тормош менән йәшәй. Беҙҙең командала хоккей уйнай, ҡапҡаны һаҡлап тора. Әйтергә кәрәк, ышаныслы һаҡлай.

Артур — ауыр хәлдә ҡалғандарға, ҡаты яраланған егеттәребеҙгә өлгө. Үҙеңде еңергә, төшөнкөлөккә бирелмәҫкә, бер нәмәгә ҡарамаҫтан, алға барырға кәрәк. Йәшәргә кәрәк.

Ә беҙ тотош республика менән уларға ярҙам итеү өсөн шарттар булдырырға, уларҙы хәстәрлек һәм иғтибар менән солғап алырға тейешбеҙ. Улар быға лайыҡ», — тип яҙҙы Радий Хәбиров.

https://www.bashinform.ru/news/social/2024-01-25/radiy-habirov-vzyal-v-svoyu-hokkeynuyu-komandu-22-letnego-veterana-svo-3617965