Башҡортостанда 19 ғинуарҙа иртәнге сәғәт 11-ҙән М-7 «Волга» трассаһы участкаһында пассажир автобустары, маршрут таксиҙары, еңел таксиҙар, йөк транспорты өсөн ваҡытлыса сикләү индерелде. Сикләү Илеш районының Исәмәт ауылынан Кушнаренко районының Кушнаренко ауылына тиклем ғәмәлдә, тип хәбәр иттеләр Башҡортостан буйынса Ғәҙәттән тыш хәлдәр министрлығының матбуғат хеҙмәтенән.
Бынан алдараҡ «Башинформ» бөгөн Башҡортостанда буран сығыуы хаҡында хәбәр иткәйне.