

Донбастан Кирилл исемле малай яҡынлашып килгән Яңы йыл алдынан Башҡортостан Башлығы Радий Хәбировтан бүләк алды. Республика етәксеһе уға уҡыу кәрәк-яраҡтары тултырылған һәм Башҡортостан символикаһы төшөрөлгән уҡыусы сумкаһын ебәргән. Посылканы республика Башлығының Рәсәйҙең милли гвардияһы ғәскәрҙәре менән үҙ-ара эш итеү буйынса кәңәшсеһе, Салауат Юлаев исемендәге батальондар төҙөү тәҡдимен индергән Артур Йомағужин тапшырҙы.
«Башҡортостан Республикаһы Башлығы Радий Фәрит улының сәғәт бүләк иткәнен хәтерләйһеңме? Ҡәҙерләп һаҡлайһыңмы уны? Бына ул һиңә мәктәп кәрәк-яраҡтарын тапшырырға ҡушты, яҡшы уҡы, уҡытыусыларыңды һәм ата-әсәйеңде тыңла», - тине Артур Йомағужин уға.
Хәтерегеҙгә төшөрәбеҙ, Башҡортостан Башлығы Радий Хәбиров быйыл ноябрҙә махсус хәрби операция зонаһындағы республика яугирҙәренең хәлен белешергә барҙы. Республика етәксеһе «Башҡортостан» мотоуҡсылар полкы хәрбиҙәрҙең көнкүреше менән танышты. Ә Кирилл исемле малайға Башҡортостан Башлығының исемле сәғәтен бүләк итте.


© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.