Башҡортостандың беренсе вице-премьеры Азат Бадранов өсөнсө тапҡыр атай булған

Башҡортостан хөкүмәтенең беренсе вице-премьеры Азат Бадранов өсөнсө тапҡыр атай булған. Уның ҡыҙы тыуған. Әйткәндәй, махсус хәрби операция зонаһында Азат Шамил улының позывнойы – «13». Тап 13 декабрҙә уның балаһы донъяға килгән. Ҡыҫҡа ваҡытлы ялған ҡайтҡан Азат Бадранов ҡыҙы менән ҡатынын бала табыу йортонан үҙе ҡаршы алған. Блогер Ильяс Батыргәрәев үҙенең телеграм-каналында ошо ҡыуаныслы ваҡиға тураһында хәбәр иткән фотоһүрәттәр менән бүлешкән.

Хәтерегеҙгә төшөрәбеҙ, Башҡортостандың беренсе вице-премьеры уҙған йылдың ноябрендә үҙ теләге менән махсус хәрби операцияға юлланды. Тәүге ярты йылда ул Рәсәй Геройы Миңлеғәле Шайморатов исемендәге батальон составында хеҙмәт итһә, хәҙер иһә 3-сө армия корпусының сәйәси бүлек офицеры, шулай уҡ республика хәрбиҙәренә ярҙам күрһәтеү  эшен башҡара. Хәрби бурысын үтәгәндә күрһәткән ҡыйыулығы өсөн 1-се һанлы генерал Шайморатов миҙалы менән бүләкләнгән.

https://www.bashinform.ru/news/social/2023-12-18/pervyy-vitse-premier-bashkirii-azat-badranov-v-tretiy-raz-stal-ottsom-3570703