Өфө хосписы асылды һәм бик юғары баһа алды. Әммә унда мохтаждарҙың барыһына ла урындар етмәй. Республикала тағы ла ошондай объект булырмы-юҡмы - тура бәйләнеш барышында Башҡортостан Башлығына ошондай һорау бирҙеләр.
Радий Хәбиров һүҙҙәренсә, хоспис бюджеттан тыш аҡсаға, Башнефть һәм Башҡорстан сода компанияһы булышлығында төҙөлгән.
- Беҙ уны, әлбиттә, киң итеп төҙөнөк, әммә койка фонды бәләкәй (өлкәндәргә 40, ә балаларға 20 урын). Ә ихтыяж ҙур - тиҫтәләрсә мең кеше, - тип билдәләне Радий Хәбиров. - Койка фондын арттырырбыҙ тип уйлайым. Икенсеһе, әйтеп үткәнемсә, балалар үҙәге ниндәйҙер функциялар башҡарасаҡ, унда паллиатив ярҙам түгел.