Башҡортостанда тыуып үҫкән 29 йәшлек Илгиз Фәррәхов Таиландта IX Мистер Глобал халыҡ-ара матурлыҡ конкурсында Рәсәй исеменән сығыш яһай. Ул милли рус кейемендә Рәсәй флагы аҫтында сыға, тип хәбәр итә «Башинформ».
Конкурс 26 ноябрҙә Таиландта уҙа. Унда 39 ил ҡатнаша. Был конкурстың төп үҙенсәлеге — милли кейемдәге ир-егеттәрҙең сағыу дефилеһы. Иң йәш ҡатнашыусыларға — 19, иң олоһона 35 йәш.