Өфөлә Бөйөк Ватан һуғышы ветераны Николай Васильев 100 йәшлек юбилейын билдәләне

Өфөлә Бөйөк Ватан һуғышы ветераны Николай Васильев бер быуатлыҡ юбилейын билдәләне. Ул 1942 йылда һауа-десант ғәскәрҙәренә хеҙмәткә алынған. 200 тапҡырҙан ашыу парашют менән һикергән. Бөтә һуғышты үткән, Киев йүнәлешендәге 3-сө Украина фронты составында разведчик булған. Киев, Днепрҙағы ҡаты алыштарҙа, Австрияны, Венгрияны, Чехословакияны азат итеүҙә ҡатнашҡан.  1947 йылға тиклем - Вена ҡалаһы коменданты. Демобилизациянан һуң Өфөгә килеп төпләнгән. Башҡортостандың баш ҡалаһында 25 йыл күҙәтеү органдарында эшләп, хаҡлы ялға сыҡҡан. Икенсе дәрәжә Бөйөк Ватан һуғышы ордены, өсөнсө дәрәжә Дан ордены, «Батырлыҡ өсөн» миҙалы, «Хәрби хеҙмәттәре өсөн» миҙалдары менән бүләкләнгән.

Йөҙйәшәрҙе баш ҡала советы рәйесе Марат Васимов, депутат Ирек Кандаров, Калинин районы башлығы вазифаһын башҡарыусы Дмитрий Миронов, юбилярҙың туғандары һәм яҡындары тәбрикләне, тип хәбәр итте район хакимиәтенең матбуғат хеҙмәте.

https://www.bashinform.ru/news/social/2023-11-02/v-ufe-100-letniy-yubiley-otmetil-veteran-velikoy-otechestvennoy-voyny-nikolay-vasiliev-3503861