Өфө хакимиәте Пушкин урамындағы аллеяла иллюминация ҡуйыу өсөн подрядсы һайлап алыу конкурсын иғлан итте. Контракттың хаҡы – 22,8 миллион һум. Был мәғлүмәт дәүләт һатып алыуҙары сайтына урынлаштырылған, ғаризалар 2023 йылдың 2 ноябренә тиклем ҡабул ителә.
Металл конструкцияға беркетелгән «Йондоҙло күк» иллюминацияһын 24 ноябргәсә ҡуйыу планлаштырыла.
«Башинформ» Өфөнөң 450 йыллығына арналған саралар өсөн тирмәләр һатып алыуы тураһында ла хәбәр иткәйне.