Мәскәүҙең Троекуров зыяратында Юрий Шатуновҡа һәйкәл асылды

Ошо көндәрҙә Мәскәүҙең Троекуров зыяратында билдәле йырсы һәм «Ласковый май» төркөмө солисы Юрий Шатуновҡа һәйкәл асыу тантанаһы уҙҙы. Был хаҡта «Коммерсантъ» гәзитенең телеграм-каналында хәбәр ителә.

Бөгөн, 6 сентябрҙә, Шатуновҡа 50 йәш тулыр ине.

«Башинформ» хәбәр иткәнсә, 6 сентябрҙә, ваҡытһыҙ арабыҙҙан киткән «Ласковый май» төркөмөнөң легендар солисы Юрий Шатуновтың тыуыуына 50 йыл тулған көндә, Башҡортостанда иҫтәлекле саралар уҙғарыла. Күмертауҙа, артист уҡыған мәктәп-интернатта, мемориаль таҡтаташ асыла.

Бер йыл элек «Башинформ» Күмертау ҡалаһының 3-сө Башҡорт республика гимназия-интернатында музыка кабинетына Юрий Шатуновтың исемен биреүҙәре тураһында яҙғайны.

Хәтерегеҙгә төшөрәбеҙ, Юрий Шатунов былтыр 23 июнгә ҡарай төндә киң инфаркттан вафат булды. Уға 48 йәш ине.

https://www.bashinform.ru/news/social/2023-09-06/na-troekurovskom-kladbische-v-moskve-otkryli-pamyatnik-yuriyu-shatunovu-3420719