Башгидрометүҙәк хәбәр итеүенсә, 21 июлдә республикала көндөң аяҙлы-болотло булыуы көтөлә. Яуым-төшөмһөҙ. Ел көньяҡ-көнбайыштан секундына 8-13 метр тиҙлектә иҫә.
Һауа температураһы төндә +10, +15°, көндөҙ +21, +26°.
Автомобиль юлдарында төндә һәм иртән урыны менән томан, күреү мөмкинлеге - 500-1000 метр.
Алдағы көндәрҙә лә ошондай һауа торошо һаҡлана, урыны менән йәшен һәм ҡыҫҡа ваҡытлы ямғыр фаразлана.