РИА Новости агентлығы юлдарҙың сифаты буйынса төбәктәр рейтингын төҙөгән. Ошо мәғлүмәттәргә ярашлы, Башҡортостан 17-се урынды биләй. Республикала автомобиль юлдарының 65,8% норматив талаптарға тап килә. Был иһә Волга буйы федераль округында өсөнсө һөҙөмтә. Округта беренсе һәм икенсе урындарҙа – Пенза (66,7%) һәм Ульяновск (65,9%) өлкәләре. Ләкин был төбәктәрҙә автомобиль юлдарының тығыҙлығы Башҡортостанға ҡарағанда күпкә кәмерәк.
Татарстан рейтингта 19-сы, Волга буйы федераль округында 4-се урынды биләй. Бында юлдарҙың 64,4% ғына нормативтарға тап килә. Рейтингта Мәскәү беренсе урында (97,6%), исемлектең аҙағында – Архангельск өлкәһе (13,3%). Рәсәй буйынса уртаса күрһәткес – 52,6%.