Өфөлә Ҡорбан байрамына әҙерлек мәсьәләһе тикшерелде

31 майҙа Өфө хакимиәте ҡарамағындағы Дәүләт-конфессия мөнәсәбәттәре һәм дини ойошмалар менән үҙ-ара эш итеү мәсьәләләре буйынса комиссия ултырышы үтте. Комиссия ағзалары һәм саҡырылғандар Башҡортостандың баш ҡалаһында Ҡорбан байрамына әҙерләнеү һәм уны үткәреү мәсьәләләрен тикшерҙе.

Ислам календарындағы төп байрамдарҙың береһе Ураҙа ғәйетенән һуң 70 көн үткәс билдәләнә. Быйыл Ҡорбан байрамы 28 июнгә тура килә. Яҡынса мәғлүмәттәр буйынса, баш ҡаланың 23 мәсетендә байрам намаҙҙары уҡыла.

Ҡорбан салыу йолалары ике махсус майҙансыҡта: «Карауан» сауҙа комплексы һәм Төньяҡ автовокзал биләмәләрендә башҡарала.

Байрам үткәрелгән урындарҙа ветеринария хеҙмәттәренең эше ойошторола, уларҙың төп маҡсаты — ниндәйҙер сир билдәләре булған малдарҙы ҡорбан итеп салыуға юл ҡуймау.

Ҡорбан байрамы иртәнге намаҙҙан башлана, намаҙ уҡый торған ерҙәрҙә мосолмандар намаҙ уҡый, саҙаҡалар бирә, һуңынан ҡорбан салына. 

https://www.bashinform.ru/news/social/2023-05-31/v-ufe-obsudili-podgotovku-k-prazdniku-kurban-bayram-3282936