Баш ҡалала уҡыусылар өсөн яңы уҡыу йылы тантаналы линейканан башлана. Был турала бөгөн, 23 августа, хакимиәт башлығы урынбаҫары Гөлләриә Ялсыҡаева хәбәр итте.
Уның һүҙҙәренсә, байрам алдынан полиция хеҙмәткәрҙәре һәм кинологтар белем биреү ойошмаларын тикшереп сыға. Ә 1 сентябрҙә мәктәптәрҙә контроль һәм үткәреү режимы көсәйтелә. Дәрестәр башланғас, коронавирустың таралыуын иҫкәртеү өсөн санитар инспекторҙар ҙа эшкә тотона.