Башҡортостан Башлығы Үзбәкстандағы ялы тураһында тәьҫораттары менән уртаҡлашты

Башҡортостан Башлығы дүрт көнлөк ялын Үзбәкстандың туристик ынйыларын — Сәмәрҡәнд һәм Бохара ҡалаларын өйрәнеүгә арнаны. Социаль селтәрҙәге сәхифәләрендә ул үҙенең тәьҫораттары менән уртаҡлашты.

«Ике ҡала ла Тамерлан һәм уның тоҡомдары, Тимуридтар династияһы менән тығыҙ бәйләнгән. Бында минең төп маҡсатым — Евразия күсмә цивилизациялар музейын ойоштороу өсөн идеялар туплау. Белеүегеҙсә, беҙ уны Шишмә районында асырға йыйынабыҙ», — тип билдәләне республика Башлығы.

Ул Башҡортостанда ла Тамерлан менән бәйле урындарҙың барлығын әйтте.

«Был ошо мираҫты мотлаҡ үҫтерербеҙ. Видеола иһә Бохаралағы боронғо Магоки-Аттари мәсете, халыҡтар дуҫлығының үҙенсәлекле символы. Уны XII быуатта зороастрийҙарҙың емерелгән ҡорамы урынында төҙөгәндәр. Был мәсеттә мосолмандар ҙа, йәһүдтәр ҙә ғибәҙәт ҡылған», — тине  Радий Хәбиров.

https://www.bashinform.ru/news/social/2022-08-22/glava-bashkirii-podelilsya-vpechatleniyami-ob-otdyhe-v-uzbekistane-2918692