Башҡортостандың Сауҙа һәм хеҙмәттәр министрлығында республика райондарында һабантуйҙар уҙғарылған ваҡытта хәмер менән сауҙа итеүҙең тыйылыуы хаҡында белдерҙеләр.
Был сикләү Башҡортостан Республикаһы 414-з Законының 6.2-се статьяһына ярашлы ғәмәлдә, тыйыу дөйөм туҡланыу хеҙмәттәре күрһәткәндә спиртлы эсемлектәр һатыуға ҡағылмай.
Бынан алда «Башинформ» Башҡортостан Башлығы Радий Хәбировтың халыҡ байрамдары графигын раҫлауын хәбәр иткәйне, тәүгеһе 27 майҙа Йылайыр районында ойошторола.