Баш ҡалала йөк машиналары өсөн ваҡытлыса сикләү индерелде

Башҡортостан Республикаһы буйынса Ғәҙәттән тыш хәлдәр министрлығының матбуғат хеҙмәте хәбәр итеүенсә, юл хәрәкәтендә ҡатнашыусыларҙың хәүефһеҙлеген тәьмин итеү өсөн 14 ғинуарҙа Өфө хакимиәте урындағы ваҡыт менән иртәнге сәғәт 9-ҙан киске 9-ға тиклем Өфө-Аэропорт, Өфө-Шакша-КПМ, Өфө-Жилин, Өфө-Бөрө тракты, Өфө-Затон-КПМ автомобиль юлдары йүнәлешендә ваҡытлыса йөк транспорттарына инеүҙе сикләй.

Бынан алда республиканың гидрометеорология һәм тирә-яҡ мөхит мониторингы идаралығы 14-16 ғинуарҙа һауа торошоноң үҙгәреүе тураһында хәбәр иткәйне. Был осорҙа ҡар яуыуы һәм буран сығыуы  көтөлә. Юлдарҙа ҡар һырынтылары, боҙлауыҡ.

https://www.bashinform.ru/news/social/2022-01-14/v-ufe-vveli-vremennoe-ogranichenie-na-v-ezd-bolshegruzam-2653645