Башҡортостан юлдаш телеканалы Белоруссияның төп медиахолдингы менән хеҙмәттәшлек тураһында килешеү төҙөнө

Башҡортостан юлдаш телевидениеһы Белоруссия медиабаҙарына сыға. Минскиҙа Башҡортостан юлдаш телеканалы менән Беларусь Республикаһының Милли дәүләт телерадиокомпанияһы араһында хеҙмәттәшлек тураһында килешеү төҙөлдө. Башҡортостан делегацияһының Минскиға сәфәре барышында ошо документҡа ҡул ҡуйылды.

Килешеү видео- һәм аудиоконтент: мәғлүмәт репортаждары, документаль проекттар менән алмашыуҙы күҙ уңында тота. Белоруссия телерадиокомпанияһы — ете телеканалды, биш радиостанцияны һәм биш өлкә телерадиокомпанияһын берләштергән дәүләт медиахолдингы. Белоруссия холдингының киң мәғлүмәт саралары туғыҙ телдә һөйләй. Башҡортостандың төп телеканалы өсөн был сит ил телевидениелары менән тәүге килешеү түгел. Бынан алдараҡ халыҡ-ара консорциумдар сиктәрендә Башҡортостан юлдаш телевидениеһы Ҡытай, Ҡаҙағстан, Тажикстан, Франция, Япония һәм Көньяҡ Корея телекомпаниялары менән партнерлыҡ бәйләнештәрен булдырғайны.

«Белоруссияның төп медиахолдингы менән төҙөлгән килешеү Башҡортостан халҡына ошо ил хаҡында тағы ла яҡшыраҡ белергә, уны тағы ла нығыраҡ яратырға мөмкинлек бирер. Белорустарға ла ҡояшлы, баллы, сәнәғәтле Башҡортостан тураһында күберәк мәғлүмәт алыу ҡыҙыҡлы булыр тип уйлайым. Беҙ ошо хаҡта һөйләргә йыйынабыҙ», — тип билдәләне «Башҡортостан» телерадиокомпанияһы директоры директоры Рөстәм Зәрәфетдинов.

«Беренсенән, Рәсәйҙә илебеҙҙә барған хәл-ваҡиғалар тураһында дөрөҫ мәғлүмәт еткереү беҙҙең өсөн бик мөһим. Икенсенән, Рәсәйҙең федераль һәм төбәк киң мәғлүмәт саралары менән бергә берҙәм мәғлүмәт сәйәсәте алып барырға тейешбеҙ», — тип иҫәпләй Беларусь Республикаһының Милли телерадиокомпанияһы рәйесе Иван Эйсмонт.

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».