Өфөлә Ағиҙел аша аркалы күпер өс йылға реконструкцияға ябыла

Башҡортостан Башлығы Радий Хәбиров 8 ноябрҙә республика хөкүмәтендә уҙған оператив кәңәшмәлә ҡаланан сыҡҡанда Ағиҙел аша аркалы күперҙең өс йылға реконструкцияға ябылыуы тураһында хәбәр итте.

«Өфө халҡы беҙҙе дөрөҫ аңлаһын өсөн улар менән яҡшылап эшләргә кәрәк, – тине Радий Хәбиров баш ҡала хакимиәте башлығы Сергей Грековҡа. – Халыҡ алдында шунда уҡ ғәфү үтендем, шатлыҡ ҙур кеүек – 11 һыҙат, ләкин тиҙҙән аркалы күперҙең ике һыҙатын ябырға тейешбеҙ. Беҙ уны өҫтәлмә күперҙән оҙағыраҡ, өс йылға яҡын эшләрбеҙ. Бәлки, ваҡытын ҡыҫҡартырбыҙ. Был – ҙур күләмле эш».

«Башинформ» агентлығы хәбәр иткәнсә, Ағиҙел аша яңы күпер 100 йылға иҫәпләнгән, ә киләһе йылда 1956 йылда һалынған аркалы күперҙе капиталь ремонтлау башлана. Яңы күпер үҙенең технологик үҙенсәлектәре йәһәтенән уникаль. Уны хәрәкәтте япмайынса ике күпер араһында төҙөнөләр. Яңы күперҙең оҙонлоғо – 688,8 метр.