Башҡортостанда федераль трассаларҙа юл хәрәкәте ҡағиҙәләрен боҙоуҙы фотовидеотеркәү камералары ҡуйыла

«Башинформ» мәғлүмәт агентлығы

Башҡортостанда 1015 юл хәрәкәте ҡағиҙәләрен боҙоуҙы фотовидеотеркәү комплексы эшләй, 946-һы – стационар, 63-ө – күсмә, алтауһы - мобиль комплекс. Былтыр «Башҡортостан Республикаһы юл хужалығын үҫтереүҙең дөйөм система саралары» төбәк проекты сиктәрендә 471 фотовидеотеркәү комплексы сафҡа индерелде.

2021 йылдың башынан Башҡортостан биләмәһе аша үткән федераль әһәмиәттәге юлдарҙа юл фажиғәләренең артыуы күҙәтелә. Шуға күрә республика етәксеһе Радий Хәбиров федераль әһәмиәттәге дөйөм файҙаланыу автомобиль юлдарында өҫтәп 100 берәмек юл хәрәкәте ҡағиҙәләрен боҙоуҙы фотовидеотеркәү комплексын ҡуйырға ҡушты.

«Федераль трассаларҙа тиҙлек режимын үтәүҙе контролдә тотоуҙы көсәйтеү һәләк булғандар һанын кәметеү буйынса тәьҫирле сара булып тора. Быға юл хәрәкәте ҡағиҙәләрен боҙоуҙы фотовидеотеркәү камералары һанын арттырыу иҫәбенә өлгәшергә мөмкин, ошо хаҡта белгән водитель тиҙлекте арттырмай», — тине «Башҡортостан Республикаһының транспорт дирекцияһы» етәксеһе Мансаф Низакаев.

«Башҡортостан Республикаһының транспорт дирекцияһы» һәм «Башинформсвязь» йәмғиәте әлеге ваҡытта булған 100 берәмек фотовидеотеркәү комплексын күсереү өсөн дәүләт контрактына өҫтәмә килешеү төҙөнө. Был эш башланды ла инде. Хәҙер Р-240 Өфө — Ырымбур һәм М-5 «Урал» федераль трассаларында 15 фотовидеотеркәү комплексы бар. Барлыҡ 100 фотовидеотеркәү комплексын 2021 йылдың 20 авгусына тиклем файҙаланыуға тапшырыу планлаштырыла.

https://www.bashinform.ru/news/1619465-v-bashkirii-na-uchastkakh-federalnykh-trass-stavyat-kamery-fotovideofiksatsii-narusheniy-pdd/

#юл хәрәкәте ҡағиҙәләре #юл-транспорт ваҡиғаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.