26 октябрҙә республикала ЮХХДИ водителдәрҙе тикшерә

ӨФӨ, 2018 йыл, 26 октябрь. /«Башинформ» мәғлүмәт агентлығы, Ксения Калинина/. Башҡортостанда 26 октябрҙә транспорт ағымында юл хәрәкәте ҡағиҙәләрен боҙоуға юл ҡуймау өсөн «йома» рейдтары уҙғарыла. Тикшереүҙәр хаҡында республика Юл хәрәкәте хәүефһеҙлеге дәүләт инспекцияһының матбуғат хеҙмәте хәбәр итә. Ведомство мәғлүмәттәре буйынса, юл-патруль хеҙмәте инспекторҙары эскән водителдәрҙе, шулай уҡ башҡа административ хоҡуҡ боҙоуҙарҙы асыҡлай.

«Республикала йәшәүселәрҙең күбеһе ЮХХДИ инспекторҙарының тикшереүҙәрен аңлап ҡабул итә. Был автомобиль юлдарында тәртипте һаҡлау һәм юл хәрәкәте хәүефһеҙлеген тәьмин итеү өсөн кәрәк», — тип асыҡлыҡ индерҙеләр ведомствола.

http://www.bashinform.ru/news/1229895-v-bashkirii-26-oktyabrya-gibdd-provedet-massovye-proverki-voditeley-/