Дауахана аҙығы өлгөләре 44% осраҡта нормаға тап килмәй — Башҡортостандың Һаулыҡ һаҡлау министрлығы

ӨФӨ, 2018 йыл, 24 ғинуар. /«Башинформ» мәғлүмәт агентлығы, Дарья Петрова/. Башҡортостандың Һаулыҡ һаҡлау министрлығында сираттағы тапҡыр медицина учреждениеларында туҡланыу мәсьәләһе ҡуҙғатылды. Ведомствоның матбуғат хеҙмәтенән хәбәр итеүҙәренсә, медицина ойошмалары етәкселәре менән видеоселектор кәңәшмәһендә республиканың һаулыҡ һаҡлау министры урынбаҫары Ольга Горбацевич 2017 йылда «Һынау үҙәге» уҙғарған тикшереү йомғаҡтары хаҡында һөйләне. Уның һүҙҙәренсә, анализға алынған 744 аҙыҡ өлгөһөнән 44% норматив талаптарға тап килмәй.

2018 йылда министрлыҡта дауаханаларҙа аҙыҡ-түлек сифатын контролдә тотоу һәм туҡланыу сифатын яҡшыртыу буйынса эште дауам итергә ниәтләйҙәр.

Хәтерегеҙгә төшөрәбеҙ, бынан алда ведомствола, 108 медицина ойошмаһында пациенттар өсөн ҡайнар аш ойошторолған, тип белдергәйнеләр.

http://www.bashinform.ru/news/1107412-obraztsy-bolnichnoy-edy-v-44-sluchaev-ne-sootvetstvuyut-normam-minzdrav-bashkirii/