Башҡортостанда һәләк булған альпинист ҡыҙҙың кәүҙәһе туғандарына тапшырылды

Руфина Шаһапова

IMPORT Сервисный

ӨФӨ, 2017 йыл, 25 сентябрь. /«Башинформ» мәғлүмәт агентлығы, Әлфиә Әғлиуллина/. Башҡортостандың Белорет районында ҡаянан ҡолаған альпинист ҡыҙҙың кәүҙәһе туғандарына тапшырылды. Кисә социаль селтәрҙәрҙә ошо хаҡта мәғлүмәт күренде.

«Белорет районында ҡаянан осҡан альпинистың кәүҙәһе бөгөн бөтә кәрәкле ҡағыҙҙарҙы тултырғандан һуң атаһына тапшырылды. Ир кеше һәләк булған ҡыҙҙҙың тыуған ҡалаһына — Екатеринбургка юлланды. Тәфтиш комитеты осраҡ буйынса тикшереү алып бара. Был минутта йәнә мәрхүмәнең туғандарына һәм яҡындарына ҡайғы уртаҡлашыу һүҙҙәре һәм көсөнән килгәнсә ярҙам күрһәткән кешеләргә, шул иҫәптән туристарға рәхмәт һүҙҙәре еткерге килә. Шул уҡ ваҡытта беҙ төбәктәге ашығыс хеҙмәттәрҙең эше икенсе төрлө булырға тейешлеген аңлайбыҙ. Белорет районында теркәлгән ошо осраҡ хаҡында һүҙ алып барғанда ҡотҡарыусыларҙың тиҙерәк һәм берҙәмерәк эшләй алмағанын билдәләп үтергә кәрәк», — тип хәбәр итә социаль селтәрҙәге үҙенең сәхифәһендә Башҡортостандың Дәүләт Йыйылышы депутаты, «Йәшелдәр» төбәк партияһының лидеры Руфина Шаһапова.

23 сентябрҙә көндөҙ Екатеринбург ҡалаһынан дүрт турист Инйәр тештәре һыртына күтәрелә. Яҡынса мәғлүмәттәр буйынса, төшкән саҡта 25 йәшлек ҡыҙ һәм 31 йәшлек егет бейеклектән ҡолай. Ҡыҙ шул урында һәләк була, ә егет Белорет ҡалаһы дауаханаһына оҙатыла.

Әлеге ваҡытта фажиғәнең сәбәптәре асыҡлана. Ҡыҙҙың һәләк булыу осрағы буйынса тикшереү алып барыла, тәфтишсе ваҡиға урынына юлланған. Тикшереү һөҙөмтәләре буйынса тейешле ҡарар ҡабул ителәсәк.

#хәл-ваҡиғалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.