Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
7 Июль 2017, 11:14
2017 йылдың 7 июлендә Башҡортостанда нисә парҙың ғаилә ҡороуҙары билдәле булды
Depositphotos.com
ӨФӨ, 2017 йыл, 7 июль. /«Башинформ» мәғлүмәт агентлығы, Гөлфиә Акулова/. Бөгөн күп кенә илдәрҙә ысын туй бумы көтөлә. Ғашиҡтар никахлашыу өсөн өс ете һаны —7.07.2017 — булған матур датаны алдан һайлай, улар серле һандарҙың бәхетле тормоштоң нигеҙенә әүереләсәгенә ышана.
Башҡортостанда 7 июлгә 652, шул иҫәптән Өфөлә 213 пар ғариза биргән, тип хәбәр иттеләр республиканың Юстиция эштәре буйынса дәүләт комитетында.
«Ете» һаны борон-борондан айырым мәғәнәгә эйә тип һанала. Астрологтар ҙа өс етенең бәхетле икәнлеген билдәләй. Ләкин календарь датаһының тылсымлы мәғәнәһе — ябай ышаныуҙар ғына, тип белдерә психологтар һәм даталарға түгел, бер-береңдең хис-тойғоһона иғтибарлыраҡ булырға кәңәш итә, сөнки бәхетле һәм ныҡлы ғаиләнең нигеҙе мөхәббәт, аңлау, сабырлыҡ һәм хөрмәт итеүгә ҡоролған.
Күп кенә парҙар никахлашыу өсөн тағы ла бер мөһим датаны һайлаған — 8 июлдә Рәсәйҙә Ғаилә, мөхәббәт һәм тоғролоҡ көнө билдәләнә. Был көндә Башҡортостанда 291 никах теркәү тантанаһын үткәреү ҡаралған.
Теги:
никах теркәү
Читайте нас: