ӨФӨ, 2017 йыл, 22 июнь. /«Башинформ» мәғлүмәт агентлығы, Эльмира Сабирова/. Башҡортостандың юғары уҡыу йорттарында ҡабул итеү кампанияһы башланды. Түләүле нигеҙҙә уҡырға инергә теләгән абитуриенттарҙы 2017-2018 йылда беренсе курста белем алыу күпме төшә тигән һорау борсой.
«Башинформ» агентлығы көндөҙгө һәм ситтән тороп уҡыу бүлектәренә абитуриенттар араһында популяр йүнәлештәр буйынса һайланма баҫтыра.
Башҡорт дәүләт университеты
БДУ-ның Хоҡуҡ институтында «юриспруденция» йүнәлеше буйынса юғары белем алыу өсөн көндөҙгө бүлектәгеләргә — 110 мең, ситтән тороп белем алыусыларға 85 мең һум түләргә кәрәк. «Психология» факультетында көндөҙгө — 92110 һум, ситтән тороп уҡыу 46970 һум тора.
«Журналистика» — 100550 һум (көндөҙгө) һәм 51280 (ситтән тороп).
«Иҡтисад» факультетында уҡыу һайлап алынған һөнәргә бәйле, ләкин хаҡтар 89650-нән 110 мең һумға тиклем тирбәлә, ситтән тороп уҡыу бүлегендә хаҡ — 50400 һум.
Буласаҡ метематиктар 80880 һум түләйәсәк (көндөҙгө).
«Мәғлүмәт хәүефһеҙлеге һәм «геология» — 92110-шар һум.
Өфө дәүләт нефть техник университеты
«Архитектура» — 150 мең; «Геология» — 130 мең; «Машиналар эшләү» — 106 мең һум.
«Төҙөлөш» — 120 мең һум. «Реклама һәм йәмәғәтселек менән бәйләнештәр» йүнәлешендә уҡыу ҙа шунса һум тора.
«Сервис», «Туризм» һәм «Ҡунаҡхана эше» — 95-әр мең.
«Информатика һәм иҫәпләү техникаһы» — 115 000 һум (көндөҙгө) һәм 70 мең — (ситтән тороп). «Иҡтисад» — 123 мең һум (көндөҙгө) һәм 65 мең (ситтән тороп). «Нефть-газ эше» — 130 мең һум.
Өфө дәүләт нефть техник университетындағы иң ҡиммәтле йүнәлештәр — «Дизайн» һәм «Кейем һәм туҡыма сәнғәте» — 160-ар мең һум.
Өфө дәүләт авиация техник университеты
«Ғәмәли математика һәм информатика» — 81450 һум, магистратурала иһә ошо уҡ һөнәр 89960 һум тора.
«Информатика һәм иҫәпләү техникаһы», «Программалы инженерия», «Мәғлүмәт хәүефһеҙлеге», «Электроника һәм наноэлектроника», «Машиналар эшләү» — 92750-шәр һум.
«Наноинженерия» — 140 мең һум; «Иҡтисад», «Менеджмент», «Хеҙмәткәрҙәр менән идара итеү» — 81450-шәр һум.
Башҡорт дәүләт медицина университеты
«Фармакология» (фармация) — 120360 һум; «Дауалау эше» — 122544 һум; «Педиатрия» — 113880 мең һум; «Стоматология» — 150 мең һум.
М. Аҡмулла исемендәге Башҡорт дәүләт педагогия университеты
«Ғәмәли математика һәм физика» — 92320 һум; «Экология һәм тәбиғәттән файҙаланыу» — 116782 һум; «Биоэкология» һәм «Генетика» — 92320 һум; «Мәғлүмәт системалары һәм технологиялары» һәм «Менеджментта ғәмәли информатика» — 116782 һум.
«Педагогик белем биреү», «Психологик-педагогик белем биреү», «Махсус (дефектология) белем биреү» — 81020 һум; Лингвистика — «Тәржемә (инглиз, немец һәм француз телдәре)» — 103637 һум; «Физик культура» һәм «Мәғлүмәт аналитика эшмәкәрлеге» — 172588 һум; «Мөхит дизайны» һәм «График дизайн» — 139650 һум.
Тулыраҡ мәғлүмәтте вуздарҙың сайтында алырға мөмкин.
