Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
4 Апрель 2017, 07:49

Рөстәм Хәмитов Санкт-Петербургтағы шартлауға бәйле ҡайғы уртаҡлашыуын белдерҙе

БР Башлығының матбуғат хеҙмәте
БР Башлығының матбуғат хеҙмәте
ӨФӨ, 2017 йыл, 4 апрель. /«Башинформ» мәғлүмәт агентлығы /. Башҡортостан Башлығы Рөстәм Хәмитов Санкт-Петербург метроһында шартлау һөҙөмтәһендә һәләк булғандарҙың ғаиләләренә, туғандарына һәм яҡындарына ҡайғы уртаҡлашыуын белдерҙе.
Санкт-Петербург губернаторы Георгий Полтавченко исеменә ебәрелгән телеграммала былай тиелә:
«Башҡортостан Республикаһы исеменән һәм шәхсән үҙемдән Санкт-Петербург метрополитенында шартлау һөҙөмтәһендә һәләк булған кешеләрҙең ғаиләләренә, туғандарына һәм яҡындарына ҡайғы уртаҡлашыуыбыҙҙы белдерәм.
Фажиғә тураһында хәбәр барлыҡ республика халҡын тетрәндерҙе. Бөтә Петербург халҡы менән бергә ауыр юғалтыу ҡайғыһын уртаҡлашабыҙ.
Зыян күргәндәрҙең барыһына ла тиҙерәк һауығыуҙарын теләйем. Ошо ауыр минуттарҙа батырлыҡ, сабырлыҡ һәм көслө рух һеҙгә. Бөтә ил менән бергә беҙ – һеҙҙең менән».
Автор:«Башинформ» мәғлүмәт агентлығы
Читайте нас: