Башҡортостан һәм Өфө яңылыҡтары
79.15
0
91.84
0
62.51
+0.52
-18 °C
Болотло
Бөтә яңылыҡтар
Йәмғиәт
16 Ғинуар 2017, 07:12

Өфөләге 13-сө ҡала дауаханаһының баш табибы вазифаһын башҡарыусы итеп Иван Борисов тәғәйенләнде

Андрей Старостин
Андрей Старостин
ӨФӨ, 2017 йыл, 16 ғинуар./«Башинформ» мәғлүмәт агентлығы, Эльмира Сабирова/. Өфөләге 13-сө ҡала клиник дауаханаһының баш табибы вазифаһын ваҡытлыса башҡарыусы итеп Иван Борисов тәғәйенләнде. Дауалау учреждениеһы етәксеһенең алмашыныуы уҙған аҙналағы ғауға менән бәйле.
Шишәмбе, 10 ғинуарҙа, бер төркөм киң мәғлүмәт сараһы бер ҡатындың рентген кабинетына баҫҡыстан шыуышып менгән видеояҙмаһын күрһәтә. Сюжет Беренсе каналда эфирға сыға. Был хәл йәмғиәттә ҙур яңғыраш ала.
12 ғинуарҙа Башҡортостан Башлығы Рөстәм Хәмитов дауахананың баш табибын эштән бушатырға күрһәтмә бирә. Бер аҙ һуңғараҡ, «Башинформ» агентлығы хәбәр иткәнсә, поликлиника пациенттарына тейешле хеҙмәт күрһәтмәү осрағы буйынса енәйәт эше асыла. Республиканың Тикшереү комитеты етәксеһе тикшереүгә тиклемге материалдар һөҙөмтәһе буйынса ошондай ҡарар ҡабул итә.
Иван Борисов – медицина фәндәре кандидаты, Башҡортостан һаулыҡ һаҡлау отличнигы, юғары категориялы табип. 1995 йылда Башҡорт дәүләт медицина институтын тамамлай.
Автор: Эльмира Сабирова
Читайте нас